E ова ке биде натпревар што го посакувам против нашите "браќа" срби
Катанец без нови имиња
Селекторот на репрезентацијата на Македонија, Среќко Катанец денеска го објави списокот на фудбалери кои ќе настапат на пријателскиот натпревар против Србија.
Повикани се 18 фудбалери и меѓу нив нема ниту едно ново име. Селекторот ги повика фудбалерите кои го понесоа товарот и во претходниот квалификациски циклус.
"Ова е одлична прилика по подолга пауза повторно да се собереме. Сигурно дека терминот не е баш најпогоден бидејќи поголемиот дел од репрезентативците се на подготовки со своите тимови. Од тие причини не сакав ништо да експериментира и против Србија ќе играат најстандардните од претходниот циклус", изјави селекторот Катанец.
Тој исто така се осврна и квалитетите на нашиот прв противник во 2008 година со кој ги започнуваме подготовките за квалификациите за Светскиот куп во 2010 година.
"Србија е една од најсилните репрезентации во Европа, фудбалерите играат во врвни клубови и тоа е тим што претставува голем предизвик за нас и нашите навивачи", заврши Катанец.
Собирот на репрезентативците е закажан за четврти февруари во Скопје.
Инаку уште не е дефинирано каде ќе се одигра овој меч. Ако не се подготви стадионот во Скопје, алтернатива се стадионите во Прилеп и Струмица.